Isod ceir Casgliad Digidol y Coleg Cymraeg Cenedlaethol. Mae hwn yn gasgliad o e-lyfrau ysgolheigaidd sy’n ddefnyddiol ar gyfer astudiaethau academaidd staff a myfyrwyr y Coleg Cymraeg Cenedlaethol ac sydd wedi bod allan o brint yn eu ffurf bapur draddodiadol. Dymunwn ddiolch i ddeiliaid hawlfraint y gwahanol lyfrau am eu caniatâd caredig i’r Coleg Cymraeg Cenedlaethol eu hatgynhyrchu yma ar ffurf ddigidol.
Ychwanegir at y Casgliad yn rheolaidd, a gobeithir cael 40 llyfr wedi’u cyhoeddi erbyn diwedd 2013.
Os hoffech enwebu llyfrau addas i’w hychwanegu at y Casgliad Digidol, cysylltwch â mared.roberts@bangor.ac.uk
Caiff y llyfrau hyn eu digido fel rhan o broject DECHE (Digido, E-gyhoeddi a Chorpws Electronig) sy’n cael ei ddarparu gan Uned Technolegau Iaith, Canolfan Bedwyr, Prifysgol Bangor, i’r Coleg Cymraeg Cenedlaethol. Yn ogystal â chynhyrchu e-lyfrau, mae’r project yn creu corpws ar-lein o’r testunau, sydd ar gael i bawb at ddibenion ymchwil.
(Cliciwch ar glawr llyfr i weld ei fanylion ac i’w lwytho i lawr)
Cyfarwyddiadau
I ddarllen yr e-lyfrau hyn bydd angen un o’r canlynol arnoch:
Ffôn clyfar ac ap e-ddarllen
| iPhone | iBooks, Bluefire Reader*, Kindle, Kobo |
| Android | Bluefire Reader*, FBReader**, Kindle, Kobo, Moon Reader Pro** (am dâl) |
| Windows Phone | Bookviser, Kindle, Legimi, Nokia Reading |
| Blackberry | Book Burner (am dâl), FBReader, Kindle, Kobo |
| Nokia (Symbian) | Ionic, Bubue |
Tabled ac ap e-ddarllen
| iPad | Bluefire Reader*, iBooks, Kobo |
| Tabled Android | Bluefire Reader*, FBReader**, Kindle, Kobo |
E-ddarllennydd pwrpasol
| Kindle | Llwythwch yr e-lyfr i lawr i’ch cyfrifiadur ac yna’i drosglwyddo i’ch dyfais. |
| Kobo | Llwythwch yr e-lyfr i lawr i’ch cyfrifiadur ac yna’i drosglwyddo i’ch dyfais. |
| Sony | Llwythwch yr e-lyfr i lawr i’ch cyfrifiadur ac yna’i drosglwyddo i’ch dyfais. |
Cyfrifiadur
| Windows | ADE, FBReader, Kobo, Calibre |
| Mac | ADE, FBReader, Kobo, Calibre |
| Linux | Calibre, FBReader |
* Gallu agor e-lyfrau Gwales.com hefyd
** Gallu defnyddio lleisiau Cymraeg synthetig IVONA i lefaru cynnwys e-lyfrau
Dyma fideo yn dangos sut mae technoleg llais synthetig Cymraeg yn gweithio ar declynau Android:
[ylwm_vimeo]75217618[/ylwm_vimeo]
Gosod yr e-lyfr ar eich dyfais
Gwnewch yn siwr bod meddalwedd e-ddarllen ar eich dyfais (gweler y dewisiadau uchod).
Ym mhorwr eich dyfais, ewch i dudalen we y llyfr priodol drwy glicio ar ddelwedd o’r llyfr priodol uchod.
Cliciwch ar y ddolen briodol yn y blwch gwyrdd i lwytho’r ffeil i lawr i’ch dyfais. Dylai eich dyfais roi’r dewis i chi agor y ffeil gyda’r rhaglen berthnasol.
Gall y rhan fwyaf o raglenni e-ddarllen agor ffeiliau EPUB, ar wahân i ddyfeisiau Kindle sy’n defnyddio eu fformat eu hunain. Mae ffeiliau PDF yn fwy addas ar gyfer eu hargraffu, ond yn llai hylaw ar eich sgrin.